Prosesi, Tata Cara Bekawinan Adat Banjar Usung Jinggung

Naskah ini di Tulis oleh : Ibu Hj. Ida Ariani, S. Pd

Bekawinan adalah kajadian panting dalam kahidupan kita sabarataan. Dalam bakawinan adat banjar, banyak parihal-parihal baik, yang harus dikatahuani oleh kita samuaan khususnya kakanakan wayahini. 

1. Basasuluh (Mencari Keterangan)

Basasuluh nang artinya mancari katarangan siapa nang dikahandaki, nang disatujui ulih kuitan atau kaluarga. Nang disuluhi adalah agamanya, katurunannya, kamampuan ekonomi kaluarganya, kalangkaran atau katampanannya dan nang kada kalah pantingnya jua adalah gawiannya. Bila sudah samuaan akur, lalu ditarusakan lawan bapara atau badatang. Lalu kaduan kaluarga handak batamuan. Kaluarga lakiannya datang handak bapara lawan kaluarga biniannya, bailang mambawa nang tatuha kaluarga, handak bapandiran nangapa langkah salanjutnya, nang handak didahuluakan, yaitu barapa jujurannya, mun sudah baakuran, lalu mancari tanggal baik wan hari nang baik jua, sagan hari bakawinannya kaina. Karana kadua pihak masing-masing akur, maka diparsiapakan barang-barang gasan maantar patalian. Walaupun kaluarga babinian hanya maintai jujuran sadaanya, Qur'an dan paralatan sambahyang tapi gambaran himungnya baisi minantu, maka kaluarga bakal pangantin lakian manyiapakan sacukupnya keperluan bakal pangantin babinian.

2. Banikahan (Nikah)

Sabalum nikah pangantin biniannya bawali lawan kuitan, lalu kuitannya manyarahakan kapada penghulu untuk menikahkannya. Diawali dengan pembacaan ayat suci Al-Qur'an ditarusakan acara ijab kabul.

3. Batalian (Pertunangan)

Imbah tuntung acara banikahan ditarusakan lawan acara patalian. Batalian atau baantaran barang-barang tanda kasih. Barang nang diantarakan adalah kaparluan pangantin babinian mulai dari hujung batis sampai ka hujung kapala. Batalian ini ada acara bapantunan antara pihak kaluarga pangantin lalakian lawan pihak kaluarga babinian. Caranya bisa kaluarga pangantin manyarahakan lalu kaluarga pangantin babinian manarima atau bisa jua babalas pantun. Sudah tuntung bapantun ditarusakan lawan pamasangan cincin. Panyarahan bingkisan sacara simbolis dan pancampuran bunga rampa.

4. Bausung Jinggung

Pangantin babinian mahadang didalam rumah, pangantin lalakian datang lawan rombongan kuitan wan kaluarga. Diiringi rombongan hadrah dan panari-panarinya. Sasudah sampai dimuka rumah, pangantin babinian disambut lawan atraksi kuntau. Lalu bapantunan manyarahkan dan manarima pangantin. Pangantin diusung manuju mahligai palaminan manyaksikan tarian Radap Rahayu (tari tradisional khusus gasan bakawinan adat banjar). Sudah tuntung tarian, lalu pangantin di arak ka palaminan. Basujud lawan kuitan kadua balah pihak mamohon do’a restu lalu acara batawak nasi balamak dan dirabutakan urang nang saruan. Lalu basasuapan dan baminuman. Rahatan pangantin batatai dihibur oleh Karasmin (hiburan) Musik Panting, Basyair, Madihin, Mamanda wan tari Japin.

Parihal nang isitimewa nangini, kada kalah manariknya lawan cara-cara di banua lain di Indonesia. Bakawinan adat banjar parlu dikatahuani, sabab ini salah satu kasugihan Kalimantan Selatan. Tugas kakanakan wayahini lah malastariakan adat budaya nang manarik ini. Adapun urutan-urutan nang harus kita katahuani adalah.